看，那些護士姐姐將我雙手搞成咁，好搞笑呀！

今天進行磁力共振時，血管需要插著一支鹽水，但當護士姐姐將針插入我的血管時：
針孔1
護士姐姐甲：「哎吔，好似有野阻住，唔好意思，要試過第二隻手。」
我：「唔緊要。」
針孔2
護士姐姐甲：「哎吔，試下打d鹽水睇下得唔得。對唔住，刺穿左條血管。唔好意思、唔好意思呀！我都未試過咁既！」
我：「唔緊要、唔緊要。」
針孔3
護士姐姐甲：「呢次一定得架，你忍住痛呀！」看她的樣子越來越緊張，我都唔敢再望住佢打嚕！「係咪好痛呀？唔好意思呀！」
我：「唔緊要，不過真係幾痛！點解會咁既，我的血管都好粗喎！」
護士姐姐甲：「我今日隻手可能好黑！妳等我一等，我搵過第個黎幫你！唔好意思呀！」
我：「哦！」
針孔4
護士姐姐乙：「我幫你試試呀！d血管好靚架喎，唉，都係唔得添！要試手臂呀！」我諗佢都癈事再係我手背搵血管嚕！
我：「好丫，我捐血時呢個位置都冇乜問題既！」
針孔5
恭喜晒，終於成功了！

其實我都冇嬲過個d護士姐姐，皮肉之苦好少事啫，我一向都好忍得痛，但見到佢地真係好好笑架，好得意的經歷呀！但妹妹就嬲爆，因為佢都係護士嘛！